ՍԵՎ ԱԿՆ

Ածխանկարը թվային տպագրության նորարարական եղանակ է, հիմնված Ճապոնական բարձր տեխնոլոգիական հումքի՝ այն է քարածխի գերփոքր (3-5nm կամ 0.000003-0.000005mm) համասեռ մասնիկների վրա։

Ի տարբերություն թանաքի կամ պիգմենտային լուծույթների, ածխանկարը տպագրվում է հատուկ հեղուկի մեջ լուծված բնական քարածխի նանո մասնիկներով։ Ընդ որում, ամեն գույն կամ երանգ վերարտադրվում է քարածխի տարբեր տեսակների և հագեցվածության միջոցով։

Արդյունքում քարածխի բնական հատկությունները փոխանցվում է նկարին, տալով նրան մթության ու լույսի անզուգական խորը համադրություն, որը ենթագիտակցորեն զուգորդվում է բնական տաքության ընկալմամբ։

Քարածխի ճառագայթային կայունության և լույսի բարձր կլանման շնորհիվ ածխանկարը գրեթե չի խամրում ու չի կորցնում երանգային համաչափությունը, իսկ բյուրեղյա կառուցվածքը ընձեռում է նկարին թավշյա ու տարածական ազդեցություն։

Ժառանգելով քարածխի և օգտագործվող բարձրակարգ կրիչների (թղթի կամ կտավի) հատկությունները, վերջնարդյունքում ածխանկարը ներկայացնում է հաճելի տաք երանգներով, սև ու սպիտակ (ավելի ճիշտ միագույն կամ մոնոխրոմ) պատկեր, որն իր օպտիկական և որակական հատկություններով էապես գերազանցում է դասական եղանակներով տպագրված նկարներին։

- 100% քարածուխ, թանաքի կամ արհեստական պիգմենտների փոխարեն։

- Չի խամրում, քանի որ քարածուխը չի փոխում իր գույնը ու շատ կայուն է ճառագայթների նկարմամբ։

- Բաձարձակապես չունի գունային շեղումներ և աչքի է ընկնում բնական սևի տաք ու համաչափ երանգներով։

- Բաց և միջին գորշ երանգները վերարտադրվում ճիշտ ու սահուն անցումներով։

- Արտաքին մակերևույթը ստանում է թավշյա տեսք։

- Ունի թեթև տարածական ազդեցություն ու նկարը աչքի ընկնում իր խորությամբ։

- Կայուն է լույսի արտացոլանքների նկատմամբ, որի արդյունքում փայլատ թղթի վրա պահպանում է իր տեսքը դիտման անկյունից անկախ։

- Փայլուն կամ սաթե թղթերի վրա ստանում է պողպատյա մետաղական փայլ, տալով նկարին հմայիչ նրբագեղ տեսք։

- Ավելի արտահայտիչ է, քան տպագրական ներկանյութերը։

- Իդեալական միջոց է սև ու սպիտակ լուսանկարչության դասական, անալոգային ներկայացման համար։

- Հատկապես առանձնանում է դիմանկարների կամ մանրամասնությամբ լի այլ պատկերների ըդգծված արտահայտչականությամբ։

- Իր բացառիկ դիմացկունության և որակի շնորհիվ, լավագուն ընտրություն է ցուցահանդեսների կամ պատկերասրահների համար։

- Գերազանցում է թանգարանային տպագրության չափանիշներին, ապահովելով գունաերանգային կայունություն 100 և ավելի տարի։*

* Նկարի որակապես անկորուստ և երկարատև պահպանումը ապահովելու համար անհրաժեշտ է, որ այն տպագրվի նվազագույնը՝ թթվայնությունից զերծ, իսկ իդեալական դեպքում ISO-9706 ստանդարտին համապատասխան թղթի կամ կտավի վրա։

Տպագրված նյութի, մեր դեպքում նկարի, երկարակեցությունն ապահովելու համար անհրաժեշտ է, որպեսզի ներկանյութն ու կրիչը տարիների ընթացքում չկորցնեն իրենց հատկությունները և հնարավորինս կայուն լինեն քիմիական ու մեխանիկական ազդեցություններին։

Ածխանկարի դեպքում ներկանյութի հետ կապված որևե խնդիր չկա, պայմանավերված ածխի բնական հատկություններով։ Նույնը չի կարելի ասել թղթի կամ կտավի պարագայում, այդ պատճառով միջազգային ISO 9706 ստանդարտը սահմանում է պահանջներ՝ ուղղված կրիչի քիմիական և մեխանիկական կայունությունը երկարատև ապահովելու համար։ Այն նախատեսված է այսօրվա արժեքները թանգարաններում, արխիվներում, գրադարաններում, ապագա սերունդների համար անսահմանափակ ժամկետով պահպանության և օգտագործման համար։

Հիմնական պահանջներն են.

- Լիգնինի «փայտի հյութի» ցածր պարունակություն: ISO 9706-ին համապատասխանող թուղթը պետք է գրեթե ամբողջությամբ զերծ լինի լիգնինից, քանի որ այն արագ դեղնում է լույսի և թթվածնի ազդեցության տակ։ Այդ պատճառով կիրառվում է սպիտակեցված ցելյուլոզա կամ լիգնինից զուրկ նյութեր, ինչպիսին է բամբակը։

- Թթվայնությունից զերծ և պաշտպանված։ Քանի որ թթուները թուղթը դարձնում են փխրուն, ապա pH-ի մակարդակը պետք է լինի 7.5-ից մինչև 10։ Բացի այդ, այն պետք է պարունակի հիմնային պաշար (նվազագույնը 2% կալցիումի կարբոնատ)՝ արտաքին միջավայրից ներթափանցող թթուները չեզոքացնելու համար։

- Բավարար ամրություն: Թուղթը պետք է համապատասխանի մեխանիկական ամրության նվազագույն պահանջներին, այն է 350 mN բոլոր ուղղություններով, որպեսզի ձեռքով կամ մեքենայական (օրինակ՝ սքանավորման) օգտագործման ընթացքում չպատռվի:

- Քլորիդների և Սուլֆատների ցածր պարունակություն։ Մետաղական առարկաների (օրինակ՝ գրասենյակային ամրակների) հետ շփման արդյունքում կամ վերականգնման որոշակի գործընթացների ժամանակ առաջացող կոռոզիոն մնացորդներից ու հետքերից խուսափելու նպատակով։

Այս ստանդարտին համապատասխանող թղթերը քիմիապես կայուն են, ամուր և պատշաճ պահպանման դեպքում կարող են գոյատևել մի քանի հարյուրամյակ առանց դեղնելու կամ փխրվելու։

Մենք առաջարկում ենք տպագրություն ISO 9706 ստանդարտով հավաստագրված թղթերի ու կտավների վրա։ Համապատասխան նշումը զետեղված է գնացուցակում։

- Նկարը ցանկալի է գունազրկված լինի նախապես, ըստ հեղինակի պատկերացումների։ Սակայն գունազրկումը կարող է իրականացվել նաև մեր կողմից։

- Գունային համակարգ RGB կամ CMYK (շատ կարևոր է, որ նկարը չփոխակերպվի BW համակարգի, միայն գունազրկվի)։

Հնարավոր է նաև GRAY տարբերակը, բայց ոչ ցանկալի։

- Գունային միջավայր "Adobe RGB 1998"

- Առանց գունային կարգավորման ICC պրոֆիլի

- Տվյալի ֆորմատը TIFF։